|
|
前序:上個星期西部通道終於都開通左啦,我地上去玩又多一個選擇,咁就梗係要去睇下啦!!咁同某師兄傾開佢就話帶我去南山區一個酒店水療場見識一下啦,於是就約實左星期五出發!!!
星期五收工坐車去到屯門市中心落車,但小弟對屯門真係一d都唔熟,唯有打電話俾師兄問下,跟住依師兄指示行到去屯門時代廣場對面嘅輕鐵站4號月台行落去,行前d就可以見到城巴B3X嘅巴士站,響站附近已經見到呢個桑拿場派發緊宣傳單章,勁!!去到站頭就掛住有關西部通道3條巴士線路線資料:
上咗車,等左10分鐘左右開車,一出屯門好快就上到西部通道,上到去記得之前睇過資料附近風景好似幾正,但係夜晚(當時8點左右)就除左通道燈火通明之外,大橋四周都係漆黑一片,只有遠處零碎燈光......... ,本案預算25分鐘車程,結果15分鐘就到左,好快!!一直向前行就係深圳灣口岸,入去之前梗係影下d新環境先!!
可能係因為呢個關仲係新,而且交通又唔方便,入到去關口冷清非常:
入境處個哥哥仲可以得鳩閒到托住個腮等運到,真係連E道都唔使用住,等我俾d野佢做下先 ,完成香港過關之後直行唔使1分鐘就到左大陸關,一地兩檢果然好方便,讚 !!兩邊之間由一道鐵閘相隔,而且舖鮋階磚唔一樣,行過一睇就知!!過埋大陸鮋自助通道一直行就可以出到去,成個過程唔使3分鐘,好方便!!行到出去右手邊聽聞係可以去中山,廣州鮋大巴站,但可惜小弟去到果陣好似已經啱啱收左,所以無確實資料在手........... ,再直行出閘就可以去到巴士,的士站,一出去已經見到師兄同佢朋友響度等緊小弟,大家一見即寒暄一番,而小弟亦順便四圍觀察一下:
啱啱去到見到的士站都好多人等緊:
四圍睇完,發覺新口岸配套頗為不足:1.搵張椅坐下都無,2.除左有個好暗鮋toilet之外,四圍都無任何簷蓬,各位最好一傘傍身!3.無任何小食亭/士多,各位可以想像一下好似而家30多度氣溫鮋情況之下需要苦侯巴士/的士,又口渴都好慘 ,最好買定支蒸餾水先過關!!跟住亦有留意巴士線鮋開車時間,平均3條線(90號,245號同機場線8號)每班車約15-20分鐘一班,都叫可接受啦............跟住師兄call左桑拿場鮋接送車黎新口岸接我地過去,等左一陣接送車黎到,都係好似其他桑拿場鮋七人車,上咗車穿過南山區街道,感覺規劃都幾似沙頭角,街道寬敞,而且衛生,亦比較少高樓大廈,而且馬路暢通,環境與羅湖,皇崗有好大分別,都幾適合各位享受寧靜,舒適鮋師兄去架 ,10分鐘左右,終於都到左今晚嘅目的地:東方雅典
去到門口落車,好快就有人開車門,四圍望下見到都有幾十個car park位,入口係用旋轉門設計,入到大堂都頗為寬敞,而且裝修都不錯,都夠光猛,一去到師兄同該場鮋老總打個招呼,繼而再寒暄一會,響大堂坐左陣,留意到個場都好多夫妻幫襯,亦以本地人為主..........再過一陣就入去換衫先 !!更衣室都好大,應該都有超過300個locker,換完衫去沖過涼先!!一入到去對正中央有1個大池,3個細池,其中1個細池係按摩魚池,落去浸每人要收$38/位,小弟對呢樣野唔係咁好,所以無去試............跟住池兩邊有4個蒸房(乾,濕,冰,藥蒸),再左右兩邊就係沖身房,兩邊共有20多個,但要留意右邊鮋好似又係d藥用性質鮋沖涼,好似又係要額外收費,各位入去要睇清楚(沖涼房外都有banner寫明!),沖涼先!!洗頭水係H&S同埋REJOICE,試完知道係堅野,good!!沖完身梗係去浸下先啦 !落到去唔係太多人浸緊,池旁邊有2張按摩椅,椅後有制開關,但係每次開左2分鐘左右就要再按一次制先可以開番,好似有d麻煩 ,而且水池太淺,只係浸到大腿,以大場嚟講就真係唔合格............
浸左一陣再試完濕蒸+冰蒸,再沖身換衫,到電梯口坐電梯上2樓,2樓係大廳,餐廳,諗住先入大廳坐陣,點知好full,未有位坐住,三人商議之下又見有d肚餓,所以改左去餐廳醫肚,一行到入去,嘩..............熄左大半場燈,仲以為佢地玩燭光晚餐,定係就快打烊呀............... ,唉...........搵左個位坐,望下個餐牌,再嘩..................點解只係得中菜食??? 而且仲要係湘菜為主 ,而且種類唔係咁多(唔多個60樣item,而且有d係鮑魚,燕窩等比例冷門少少鮋野),如果小弟得一個人去又唔食得辣鮋話睇怕都唔使食咯 ,加埋台+椅都係西餐擺設,但又用黎食中餐,感覺好似怪怪地..........但係肚餓都係要面對,結果都揀左幾個清淡少少鮋Å,再叫左白飯,白粥醫下個肚就算咯............
食完飯再返大廳,終於有位坐啦!!d椅係比較舊式,托腳位係可以摺埋,有獨立LCD電視,而且畫面可以360度旋轉,比較少見,坐底左周圍睇下,d客暫時都係以本地人為主,回過神服務員問我飲唔飲野,小弟就點左杯凍奶茶+水果,再搵人洗個腳先!!好快水果同飲料都到左,飲落杯凍奶茶出乎意料地好飲,因為好多骨場(由其細場)d奶茶,檸茶,咖啡都難飲非常,沖出黎鮋技術差到不得了,相信好多師兄都會同意吧!!水果都新鮮!!不過等左好耐(都成20分鐘)先有人黎按,師兄友人同我都係輪牌,而師兄就搵相熟技師,同我按果個小肥,都幾夠力,過程都有說有笑,好快就過左60分鐘,再望下周圍d洗腳妹,好多都幾得喎,可以考慮下溝番件先!!
幫小弟按腳嘅技師:
幫師兄按腳嘅技師(真人正好多!):
按完腳,再同師兄及友人再吹多陣水,見果陣都成1幾點,決定上去按摩,但係都睇下d收費先,印象中好似係咁:
中式:138/90min
泰式/中醫:148/90min
香熏推油/韓式:158/90min
好似仲有個雅典風情,唔記得幾錢,好似差唔多,
同埋好似有SPA美容,好似全部都係$300樓下,而且響個場都見到唔少女賓,我諗我係女人都會去試下!!
響電梯見到嘅<新雅典風情>:
結果決定試下香熏推油,由大廳再坐電梯上去3樓,由服務員帶左去一間中式雙人房,房內裝修都ok,好似酒店房格局,而且都算大間,但係個電視就竟然響床頭上面,咁即係比客睇定係俾個技師睇架??? 等左陣技師到,係個中女黎,有d失望添..........都係按下背先,但係小弟嫌佢唔係咁夠力,結果都係要佢踏背,踏左一陣都舒服左d,跟住就開始推油,有綠茶,玫瑰等6種香熏油可以揀,小弟就揀左綠茶味,由背-->pat pat-->腿背-->大小腿-->手一直推,好快又過左90mins,過程中從技師口中得知如果唔多人就可以按2個鐘便可以留番響房瞓,星期六或者多客人就要3hrs先得,不過佢地都有睡眠區可以瞓,聽聞都可以鮋,同埋知道係有早餐送星期一至五係7-9點,星期六就係8-10點,按完再簽埋小費,就諗住瞓,發現房門係無方法可以lock鮋,唯有將匙牌同電話收落枕頭裹面,但係成身油淋淋的確唔係咁舒服,而且中式床比較細張,d手手腳腳好易飛左出床外面,再加上自己又瞓唔慣陌生床,所以成晚都瞓得唔係咁好.........到最後一次醒左都已經係9點35分左右,見又有d肚餓,落去食個早餐先!!
|
|
發表於 2007-8-5 21:43
樓主
!
