|
|
我認,我係閹尖,而且閹尖既程度,已經去到天怒人怨令人髮指既地步。對女人係咁、對買架代步車仔又係咁、連出去玩呀、飲酒呀,通通無一例外。錫自己多d係我一向做人既宗旨,能力範圍之內,可以揀好既,點解要刻薄自己先?
呢個星期六,我同公司班譁鬼(包括呢度既常客昆德拉先生)終於成團去大朗某酒店瘋狂咁玩番兩日一夜(行程包括夜總會同桑拿^+^,開心)由於小弟唔算係果種周時都可以出黎蒲既人,為左隆重其事,我除左第一時間去銅鑼灣剪左個髮,仲開始籌備應該著咩衫、應該用咩套?無錯,用咩套,的確係一門學問,亦係男人出黎交朋結友見世面非常重要既一環。但一街都係膠笠,點揀好呀?
多得生果報果個甚麼消費blog,原來「杜記」又有新產品(叫至尊咩超薄咩……),響度,我又辜且同佢起個名:「F仔超薄套」,今次呢隻套標榜:
1.超晒薄喎,咩厚度等於4粒花粉喎(真唔真呢?我買左盒,大家唔好拉住我,我一定要笠架啦!);
2.有晒咩ISO、香港安全標準喎,即係薄得黎,仲要安全喎(生果報好似話果d咩0.03無ISO架);
3.無乳膠味喎;
去「些憤」買,廿幾蚊有三個。好,唔係生果報我就要信晒佢既。我已經決定,今個星期六,大朗之行,一於為大家交個人肉測試報告:試場、試套、試女,希望,o係出發之前,可以得到大家既祝福。
|
|
發表於 2007-8-3 14:56
