[太陽系1010] 東莞 夜場質素下滑

太陽系1010

自從深圳經歷咗○六年嘅大掃黃後，唔少港人都轉移陣地去東莞，事實上，呢兩年嚟，東莞嘅桑拿及卡拉OK都確實發展得很快，但同時亦都產生同深圳當年相同嘅問題，就係生意日好，服務日差，價錢日貴，囡囡質素日低嘅弊病。
每況愈下
記得，好幾年前，大多數港人選擇到深圳尋歡，特別係三沙一水一帶，因為過皇崗就腳，加上自成一國，令到當地嘅娛樂事業喺短短時間內起飛，當時無論係桑拿定卡拉OK，部長經理待客態度都好好，有咩問題都會跟進，囡囡方面亦都令人滿意，敬業樂業，少有投訴。
　但係隨着同類型嘅場所愈開愈多，競爭愈大，再加上客源漸趨穩定，部分場所就有種唔憂做嘅心態，水準及服務態度每況愈下，投訴接受，態度依舊，而囡囡不但質素下滑，偷懶、呃錢等問題更與日俱增，而最令港人不滿嘅，係愈嚟愈唔好玩嘅同時，收費又愈嚟愈貴。
於是有部分港人開始發掘新地方，而東莞就係其中一個。東莞嘅娛樂事業本來就已經有一定發展，而喺港人嘅口耳相傳下，箇中好玩之處確實令一班已經去厭咗深圳嘅人趨之若鶩。就好似當年剛剛被開發嘅深圳一樣，嗰時東莞嘅娛樂場所，無論係桑拿抑或K場，都又平又好玩，服務態度亦值得稱讚。
淡水冒起
可惜，當生意愈嚟愈好，港客愈嚟愈多，東莞嘅娛樂場所又開始犯上咗如同深圳一樣嘅問題，令人眼前一亮嘅囡囡，由以前嘅十有八九開始變成萬中無一，K女嘅質素下滑同時，黑口黑面情況則日漸嚴重，但場所不但冇將問題改善，仲以為客人多咗，可以加價，結果，依家嘅東莞已經愈嚟愈似深圳嘅翻版。當然，亦有一啲港人因此而開發其他尋歡好地方，近來淡水呢個地方就愈嚟愈多人提起，去過嗰邊桑拿嘅朋友都話，價錢合理之餘，服務水準亦好，招呼亦周到。我聽到後，固然心思思想了解一下，但另一方面想到，從深圳到東莞，從東莞到淡水，搞旺一站就等於搞壞一站，愈行愈遠，若未來連淡水都被變差，下一站又要去邊？

l210wah

睇開D!來來去去都係香港人自已搞坏!

黑熊

大陸近年經濟好（平、靚、正）都好快變成歷史

葛情輝

也可能是因為香港人孤寒, 錢少, 服務同質素都差d。

浪子心

家下 d 大陸人好有錢架喇 !
以前香港人好矜貴 , 而家 5 再係喇 !
打份工搵得錢小既無謂再上去扮大爺 !
無謂再懷緬過去 !  
成日聽到人講以前點好點好玩 , 又如何呢 ?
好多人有種心態係出幾百蚊就做老闆咁款 !
人地要聽你話 , 比你使 , 乖乖就範 !
個世界根本唔係咁 , 愈有錢就愈有得玩 ,
你試下入去間夜總會玩 , 你出二千人地出兩皮 ,
睇下個扯皮條同條女會對邊個好服侍 ?
以前人地無錢既未開發既小小錢樣衰衰阿叔阿伯都殺妳啦同妳玩住先 ,
家下搵到 d 開發左咪有資格去選擇囉 !

shin8315

淡水的夜總會聽講都唔錯~~~~~~~~~~~~~~~~~~~~

fatchan88

Agreed!!!!!!!

sqo8ops

一日不如一日　。。但還有很多沒有見過世面的小朋友說　：　正　！！！


正佢老味咩