|
|
感謝原創者flowerz提供
各位師兄要小心! 羅湖Richy極速神偷
日期: 2010年2月7日(星期六晚)
時間: 約凌晨3:00am
小弟尋晚落Richy, 剛到埗就無耐走咗入舞池同人迫. 眼見個場爆到沙甸魚咁款, 人多擠湧, 就好有意識咁將銀包同手機放喺前袋, 以防萬一. 當時全場氣氛幾high吓, 跳咗一陣, 突然feel到左邊褲袋"雪"咗一聲, 自己拍一拍褲袋, 發現袋內ge電話已經不翼而飛. 之後小弟即刻瞪住左邊跳緊舞條女, 直覺覺得一定係佢做, 就的咗佢埋一二便諗住搜佢身. 但由於當時佢太快手, 周圍又好黑又好閃吓, 根本乜都睇唔到. 冇親眼睇見就冇籍口搜佢, 最後惟有放佢走. 條女見狀好快仲走埋絕塵而去. 當其時啲fd啱啱行開哂唔喺附近, 全程只有我一個人, 我就即刻會合番佢哋. 佢哋知道成件事後, 自己再回想都唔知係邊條pk做, 條女又走埋, 死無對証, 之後打去自己電話已經唔通.攪到大家都無乜mood, 幾個人就喺門口外邊hea咗陣. 半個鐘後, 自己諗住反正都無咗又唔想掃大家興就建議走番入去.點知入到去俾我見番頭先條女.
條女好q可疑, 我哋幾個成晚留意住佢, 原來佢唔只一個人, 仲最少有兩條仔同佢一齊. 佢哋三都目無表情, 個款唔似係嚟玩, 又唔會真係點跳. 全晚未見過佢哋講嘢, 睇落好似唔識咁, 淨係簡唔中疊吓手. 兩條仔仲會周圍望, 條女就向前同向下望多, 三個永遠徘徊喺舞池近外邊ge位置. 條女好怪, 有時佢雙手交叉放心口, 手心向外, 有時又會垂低.
由頭到尾回想番成件事, 當最初入到Richy時係見到條女走緊入去舞池, 當時個場咁爆, 眼見有人開路就跟住行. 但囡囡好奇怪, 佢一直停留喺外圍位置, 之後明明前面仲有位, 理應繼續向舞池中央走, 但佢反而慢慢有意無意俾我行咗先, 之後又慢慢走咗去我左邊. 過咗陣, 部電話咁就冇咗.
成件事由入Richy>到開始跳>到冇咗部機都唔夠2分鐘. dls~ 最後我同啲fd都認定10成9係佢哋做!
佢哋ge外形 如下:
女: 20歲左右或以下, 約5呎1, 矮小靚妹格, 長髮, 深色衣著
男: 均20歲左右, 約5呎5-6, 短髮, 深色衣著
致各位去玩ge 師兄同朋友, 玩時玩, 切記要小心! 啲大陸仔真係好pk!! 以前睇post睇得多, 未喺身邊發生過就冇乜感覺, 而家瀨咗嘢希望籍此post提醒大家, 引以為鑑! 就算貴重嘢放前袋都要好小心, 唔好好似我咁, 笑住入, 喊住出! 年尾就嚟過年, 更加唔好疏忽!!
Richy舞池實況短片
http://www.youtube.com/watch?v=CEivxlYPMMU
|
|
發表於 2010-2-8 11:44
