|
|
話說小弟去做西裝同買DVD後,被朋友放飛機,無忍就即日回港啦,去到東門<MTR>站買票經羅湖回港,當時晚上11:00PM突然有個阿叔<50幾歲>.......
叔:請問你是否回港?
我:是的
叔:我回港後可以幫手打電話俾我妹妹嗎,叫佢即係來羅湖接我返香港!
我:好的! 你發生左咩事?
叔:我的證件唔見了,我在香港無襯人呀,我妹妹是從日本飛過來的,佢明日會到呀
,你回到稥港後佢應該到了,到時你打俾佢話我在香格里拉酒佔LOBBY等佢!
我:為何你唔見證件?
叔:俾人打劫了,電話又無了,錢又無,我太太仍在寶安機場等我呀!
叔:你可以借5角我搭車嗎?我只得1蚊5角咋!
我:無問題
叔:俾張卡片你,我做皮草生意的,主要係日本,上海都香港,其實係我家姐的生意,
不過佢過身後就無人理啦,要我同妹妹去接管了!如果你來日本旅行可以搵我呀!
我:你要等到明日不如我俾幾十蚊你買下水同食物啦!
叔:唔駛啦,客氣了!平水相逢不能要你的錢呀!
<<到了香格埋拉後>>
叔:你有無電話可以幫我打俾我妹妹?
我:無呀,無長途架!
叔:我好似有張一卡兩號可以打呀,用你電話來打呀!
我:好!
跟住打去香港無人聽!
叔:話咁你幫我打去日本呀!
終於通了,阿叔講日文,又同佢親人講港東話!
叔: 呀邊個...我妹妹有無來香港呀,咩話佢最快要明晚或後日先來到?我好啦我在深圳等佢到明晚啦!咁你叫妹夫過5千蚊俾我呀,同埋叫妹妹來到買幾部電話平D可以了!咩話條數要明日先過到?好啦好啦!
叔:X生,你可以借過戶口俾我嗎?我妹夫要過數來呀!放心唔係駛黑錢,幾千蚊啫!但你明日可以囉返來羅湖俾我嗎?
我:好!但要我放工後才可以呀!
叔:你咁老實,幾千蚊我信得過你!到時你唔駛全數俾我架!
我:唔好你等錢救命呀,好啦明日如果CHECK到數我返來俾返你呀!
叔:唔該你,時侯不早了,你要趕住過關了,快行啦!
我:咁我留一百蚊俾你啦,你買水都要啦!
叔:其實我女兒病左,佢同我太太仍在寶安機場等我呀,我要去接返佢地呀,呢度過去的士錢要150蚊呀,
我:咁我俾2百蚊你啦!
阿叔收左!
叔:佢話女兒因為病想租間房俾佢住,要200蚊左右!你可以俾多少少我嗎?
我:我都要搭車生活喎!(我估到咩事)
叔:淨係你幫到我咋!
我:我夠鐘過關了!
叔:你都趕唔到啦,快12點了!
我:結果我無理佢啦,過左關啦!
之後當然......你地估到啦!
各位我係咪好ON9呀,一心諗住幫人?!
|
|
發表於 2007-11-3 16:36
