意外事件篇
係大陸如果遇到意外事件, 就比較麻煩….
1. 嚴重事件如被劫, 受傷, 生命受威脅等, 緊係打電話報警: 110, 受傷的話最好負傷過關返港就醫, 途中唔好比公安知, 否則逼你落案就醫就慘咯.. 如果一定要醫, 千祈咪去春風路流X醫院, 曾經因保証金不足而拒醫受劫司机致死, 仲連續幾單忝. 要去就打的去當地的人民醫院, 會好D, 去到先掛號5元, 到急症室檢查, 之後醫生就同你講數, 要開刀少則保証金3000元, 所以要急call 朋支來救命, 如果你連打長途的5元都冇, 就God bless you勒!
2. 小事如被偷回鄉証, 去該區報派出所 (如火車站範圍屬廣場西, 新都屬嘉賓) 拿張証明, 再去蔡屋圍市公安局補領臨時出境証, 即日有取, 免費.
3. 小事要報警咪搵派出所, 因D大佬非常大牌, 只得D保安當席, 冇銀用, 小弟有一次被搶金鏈, 報街邊巡警亭, 一陣就捉到個賊, 條鏈交了比派出所, 結果比D大佬玩了二星期先囉得番, 因巡警係外省調來較勤奮盡責, 相反派出所D大佬以本地人, 客家人為主, 非常肥仔, 報乜都冇用….
4. 如果有女朋友行街時被查暫住証, 未婚証時被拘留, 千祈咪搵人幫手(斬你一半), 自己去就得, 等條女打電話比你, 記清楚地點, 罰幾百至一千, 拘留地點為當地派出所或治安隊, 之後送去(市內去銀湖收容所, 關外去龍崗收容所), 再去係惠州 (罰1000元), 惠東 (400元), 樟木頭(400元), 通常可以自保, 所以如果係自己女友, 平日要袋番500元防身. 再攪唔掂就通知我龍少幫手.
5. 如果你自己衰了, 叫G時被捉, 港男一皮, 女五千, 最緊要態度好, 最高級見你時便會罰你錢, 如果唔夠錢會叫你去襟机或call朋友, 或罰埋手机金鏈, 唔駛驚, 有錢就得, 不過要低調, 唔好串.
6. 大陸係冇黑社會, 唔好行D橫街窄巷, 有事即逃兼大叫, D人就唔敢郁你, 如果有人自稱保安(即看更, 冇權查你) 或公安, 唔埋真假, 即打110叫總局派人來, 唔駛驚, 同佢鬥大(理由講明我係香港人, 怕你地屈, 堅持去市局), 千祈咪跟佢去, 否則……
7. 過夜時被查房….. 酒店的話就冇得救, 住宅就死不開門, 建議各位過夜時勿開大燈或大吵, 或可扮冇人而逃過一劫.
8. 同自己條女住埋緊係搵人辦番張結婚証.
|
發表於 2005-12-16 14:56