深夜自省系列：焦慮症

choicehealth

上次就講完精神壓力啦，咁今次就同大家分享下當壓力過大嘅時候會有嘅情緒病症狀，就係焦慮症喇！

首先，我哋平時生活都會遇到啲焦慮嘅時候，但係有啲男士(女士都會)有時會有過份焦慮嘅情況出現，當有過份焦慮嘅情況，就好有可能會影響日常生活。

焦慮症基本上可以分為幾種，包括：

強迫症：患者會用好多時間重覆咁做一啲事情，用嚟驅走一啲反覆而且令佢沮喪嘅諗法，例如反覆地洗手、重覆核對某啲事情等。

驚恐症：患者會多次突然間感到非常驚慌，並產生好似心臟病發嘅徵狀。由於呢啲可怕嘅感覺，以致令人逃避前往曾經有這感覺嘅地方。

社交焦慮症 ：患者會逃避各種社交活動，因為恐怕會受到審查、嘲笑或遇到尷尬事情。

恐懼症： 患者對無實質危險嘅物件或環境產生非理性嘅恐懼，如畏密閉空間、畏高、怕黑、對污穢或細菌產生恐懼。患者因為要避免接觸這些物件或環境，令日常生活受到限制。

經常焦慮症：長期對日常嘅生活瑣事，例如工作、學習、財務、健康或家庭事宜有過度嘅焦慮。常見嘅徵狀包括容易疲倦、顫抖、肌肉緊張、頭痛等。

平時要預防焦慮症嘅最好方法，當然係盡量同身邊可信嘅人分享你嘅心事，保持健康生活方式，而且盡量唔好對自己要求太苛刻。如果有發現自己有早期焦慮症嘅症狀，就快啲搵專業人士求助！

面對自己精神健康係重要，但保障自己身體性健康狀況同樣重要！如果懷疑自己有染上性病嘅風險，就記得睇醫生喇！定期身體檢查都好重要架！我哋再思提供免費嘅愛滋病同梅毒測試，20分鐘就知道結果！定時知道自己愛滋病或梅毒感染狀況先可以確保自己同你伴侶嘅身體健康。而且，一旦染上性病，患上其他性病，甚至愛滋病嘅風險都會提高！所以為咗自己身體著想，性交嘅時候全程要正確使用安全套，無論口交，陰道交或肛交都要使用安全套，以減低患病風險。快啲預約做測試啦！

【再思社區健康組織】(NGO)
性健康諮詢;
免費、不記名、保密、
愛滋病毒/梅毒快速測試
電話: 3188 9024
手機: 6424 8126
地址: 再思新地址旺角弼街9-15號恆利中心302室

superadmin

瀏覽更多【再思社區健康組織】最新性知識及各類健康資訊報告
https://winning11.com/forum/dz/forum.php?mod=forumdisplay&fid=9&filter=typeid&typeid=658