深夜自省系列：壓力

choicehealth

我哋再思除咗推廣性教育，身為社區健康組織，推廣精神健康嘅重要性，令各位男士們了解自己心理健康嘅狀況同樣重要。所以我哋今日就講各位男士們都經常面對嘅難題：壓力喇！

所謂嘅壓力，就係指遇到啲不如意嘅事導致有負面情緒，焦慮不安。造成壓力嘅成因有好多，好多事物或者「生活事件」都會形成壓力。常見嘅成因包括有：執行職務或因失業帶來嘅壓力、與家人衝突或關係破裂、財政憂慮、個人健康狀況例如服用過量藥物如咖啡因、酒精及煙草等物質，甚至生活環境不理想，如單位狹窄、交通擠塞或接近污染源頭都有可能造成壓力。

當一感到精神壓力時，係可以引起不同嘅身體症狀，例如頭痛、胃痛及消化不良、頸、肩及背痛、失眠或難以成眠、性慾減退、食慾不振等。另外仲會有心理症狀例如難以集中精神、短暫失憶、感到挫敗、感到煩躁或憤怒、對事物失去興趣或情緒低落等。

咁人生不如意事十常八九，壓力有時候真係在所難免。咁要點樣預防壓力積聚呢？最佳方法當然係及早認知初期嘅壓力徵狀，加以提防。喺有需要嘅時候，應該要盡早尋求協助。其實有時當感覺到自己即將承受唔到壓力嘅時候，搵朋友或者家人傾訴就已經可以舒緩好多壓力。各位ching都記住，表達自己嘅情緒或尋求援助，絕對唔係懦弱嘅表現嚟！就係因為大家都係人，都係會遇到不快感，始終都係要抒發下嘅！如果大家有感到壓力或情緒問題，都歡迎搵我哋傾訴架！

面對自己精神健康係重要，但保障自己身體性健康狀況同樣重要！如果懷疑自己有染上性病嘅風險，就記得睇醫生喇！定期身體檢查都好重要架！我哋再思提供免費嘅愛滋病同梅毒測試，20分鐘就知道結果！定時知道自己愛滋病或梅毒感染狀況先可以確保自己同你伴侶嘅身體健康。而且，一旦染上性病，患上其他性病，甚至愛滋病嘅風險都會提高！所以為咗自己身體著想，性交嘅時候全程要正確使用安全套，無論口交，陰道交或肛交都要使用安全套，以減低患病風險。快啲預約做測試啦！

【再思社區健康組織】(NGO)
性健康諮詢;
免費、不記名、保密、
愛滋病毒/梅毒快速測試
電話: 3188 9024
手機: 6424 8126
地址: 再思新地址旺角弼街9-15號恆利中心302室

MatthewSan

你啲文其實可唔可以短少少，

MatthewSan

MatthewSan 發表於 2021-6-1 00:13
你啲文其實可唔可以短少少，

打漏咗。
你啲文其實可唔可以短少少，太多字好多時候冇心機睇晒佢