winning11

 找回密碼
 立即註冊
查看: 3122|回復: 1

[再思社區] 關於包皮嘅迷思:究竟點樣先係包莖?

[複製鏈接]

升級  8.52%

269

主題

314

帖子

53

積分

二星會員

Rank: 2

積分
53
發表於 2021-4-8 12:32 | 顯示全部樓層 |閱讀模式
關於包皮的迷思:究竟點樣先係包莖?.png
可能有啲Ching一出世就割咗包皮啦,但又有啲Ching嘅小弟仲係有頂「帽」,即係包皮啦,笠住嘅。咁亦有啲朋友話細個上游水堂換衫嗰陣見到其他同學有啲有割包皮,有啲就冇,就開始疑惑自己係咪應該都要割呢?今日就同大家傾下包皮,傾吓咩叫包莖,同埋割包皮嘅疑問!

咁包皮呢,唔係古惑仔嗰個,亦都唔係踢波嗰個,係一般指包在雄性陰莖龜頭上嘅一層皮,主要都係用嚟保護龜頭免受外來傷害。通常大部份人在喺春期前,包皮就不會再完全貼附住龜頭,未勃起時包皮稍稍覆蓋住龜頭,而且包皮可以輕易且不感到疼痛咁往後退至冠狀溝,勃起時可自然咁露出整個龜頭。但係亦有啲人會喺青春期之後陰莖發育長度令到包皮可以自然退至冠狀溝後,而未勃起嘅情況下龜頭已經可以完全外露。咁當然情況係因人而異啦,並唔可以當做正常嘅指標嘅。另外,其實包皮沒有任何性功能。包皮長度亦唔會影響勃起速度,勃起速度主要與體質有關。而且包皮長度同埋性交時間沒有比例關係,性交時間主要與精神狀態與性交幅度速率有關,過度緊張或是過度抽插都有可能會縮短性交時間。

咁包莖係咩呢?包莖係一種不能將人類陰莖包皮拉到龜頭後面嘅病症,排尿時可能會出現包皮下似氣球咁嘅腫脹。有啲青少年同成人可能會喺勃起時會疼痛,但喺其他時候唔會疼痛。受影響嘅人有較大嘅龜頭炎症風險,即龜頭炎,以及其他併發症。而且,因為龜頭包住無法清洗,排尿後可能殘留尿液而有異味,或累積脫落嘅表皮細胞而成為白色塊狀嘅包皮垢。開口過小者,排尿困難且包皮鼓起如汽球狀,尿柱就好似花灑咁四圍散。好多人有反覆包皮炎或泌尿道感染都係同包莖有關。

絕大部分人喺出世嗰陣都係有包莖嘅情況,通常3歲之後就唔會有包莖。但係如果包莖沒有進一步改善嘅朋友們,可以用類固醇乳膏來試圖鬆弛緊繃嘅皮膚,又或者做啲輕微嘅拉扯動作去鬆弛返包皮。如果這種方法都搞唔掂嘅話,就可能真係要割包皮啦!

同埋,割包皮的確係有幫助減低患上愛滋病嘅風險,而且呢個講法已經得到世界衛生組織嘅認可添!不過,各位ching割唔割都係睇你哋嘅個人選擇嘅,只要唔影響日常生活及性生活,其實就唔使割架喇!咁割咗包皮係咪就即係冇咁易中愛滋病呢?呢個只係其中一個預防方法姐,最好嘅預防方法當然係性交嘅時候全程正確使用安全套啦!無論口交,陰道交或肛交都要使用安全套,以減低患病風險。而且,一旦染上性病,患上其他性病,甚至愛滋病嘅風險都會提高!所以為咗自己身體著想,出去玩之前記得要有一「套」傍身呀!一旦懷疑自己有染上性病嘅風險,就記得睇醫生喇!定期身體檢查都好重要架!我哋再思提供免費嘅愛滋病同梅毒測試,20分鐘就知道結果!定時知道自己愛滋病或梅毒感染狀況先可以確保自己同你伴侶嘅身體健康。快啲預約做測試啦!

【再思社區健康組織】(NGO)
性健康諮詢;
免費、不記名、保密、
愛滋病毒/梅毒快速測試
電話: 3188 9024
手機: 6424 8126
地址: 再思新地址旺角弼街9-15號恆利中心302室

升級  8.52%

269

主題

314

帖子

53

積分

二星會員

Rank: 2

積分
53
 樓主| 發表於 2021-4-9 13:40 | 顯示全部樓層
bbbb.yyy 發表於 2021-4-8 17:13
割包皮的確係有幫助減低患上愛滋病嘅風險, 係乜野原因? 理解唔到.

因為包皮嘅皮膚組織係比較容易刮傷,咁即係會有更高機會畀愛滋病病毒入侵人體内
而割包皮就移除咗呢啲容易受傷嘅組織,所以風險就會比冇割包皮嘅男士低啲啲

升級  41.85%

21

主題

653

帖子

143

積分

二星會員

Rank: 2

積分
143
發表於 2021-4-26 16:43 來自手機 | 顯示全部樓層
bbbb.yyy 發表於 2021-4-26 15:00
以小弟所知, 體液就會傳染, 咁係呢個部位, 佢受唔受傷, 無帶袋就已經有體液 接觸, 感染風險實際上一樣,  ...

有體液,都要接觸到黐膜/傷口,病毒先至入侵到,多咗傷口,病毒理論上較易入侵,佢個point係成理嘅。
我只係奇怪,佢哋機構不嬲鼓勵任何性行為都要戴套,但竟然又會宣揚割包皮喺冇戴套嘅前提下,感染愛滋機率較低呢點,有啲矛盾。

升級  8.52%

269

主題

314

帖子

53

積分

二星會員

Rank: 2

積分
53
 樓主| 發表於 2021-4-29 14:57 | 顯示全部樓層
fu46709394 發表於 2021-4-26 16:43
有體液,都要接觸到黐膜/傷口,病毒先至入侵到,多咗傷口,病毒理論上較易入侵,佢個point係成理嘅。
我 ...

上面都有提到啦,割咗包皮比無割包皮嘅人感染hiv風險較低呢個講法係世衛認證嘅事實,我哋都係覆述返呢個講法當作軼事一則姐。不過!我哋都有提到,唔可以完全用割包皮作為預防HIV嘅方法!始終都係戴返安全套先係穩陣!
您需要登錄後才可以回帖 登錄 | 立即註冊

本版積分規則

手機版Ver2.0 (只供手機使用)|winning11.com

GMT+8, 2024-3-28 20:40 , Processed in 0.016334 second(s), 15 queries , Gzip On, MemCache On.

System Version: Winning11 CMS 8.3.4 Licensed

© 2001-2023 Winning11 Ltd.

快速回復 返回頂部 返回列表