男士健康系列：良性前列腺肥大

choicehealth

我哋之前就講咗咁多性病知識啦，今次我哋就想同大家分享一啲男士常見嘅病畀大家了解下，今日我哋同大家講下前列腺肥大先！

首先乜嘢係前列腺呢？前列腺是男性的生殖腺，位於骨盆腔的底部——膀胱頸下，尿道上；恥骨後，直腸前，包繞着膀胱口與尿道結合部位。一個正常健康人類男性嘅前列腺嘅大小比核桃大少少。前列腺主要功能係負責製造前列腺液，混和精子形成精液。

而良性前列腺肥大症就係腺狀組織出現非癌症增生，導致前列腺肥大。咁多位中壯年男士要注意喇！良性前列腺肥大係男性正常衰老嘅生理過程，亦都係年長男性常見嘅病症。儘管這種病屬於良性增生，但當腺狀組織不斷肥大，會嚴重堵塞尿道，阻礙正常排尿。

前列腺肥大嘅常見徵狀有好多，但並非所有患有良性前列腺肥大症嘅男士都會出現症狀，當中不足一半係可以無任何病徵。至於有症狀患者嘅常見徵狀包括：難以忍尿、等尿、尿頻、夜尿小便流量微弱、小便時感到灼痛或刺痛等。如病情嚴重，膀胱會無法排尿，導致下腹腫脹及疼痛。雖然良性前列腺肥大症嘅大部份徵狀與前列腺癌相同，但兩者一般並無關連。而且，患有良性前列腺肥大症並不會增加患上前列腺癌嘅機會。

至於可以點樣預防前列腺肥大呢？可惜良性前列腺肥大係正常嘅生理過程，並無任何特別嘅預防方法。但如果你發現自己有任何類似嘅病徵，就快啲去睇醫生喇！醫生診斷時可能會進行各種檢驗，包括肛門指檢、驗血、驗小便、超聲波檢查同埋進行手術抽取組織樣本化驗，以確定有冇致癌細胞。患者如有需要接受治療，治療方法可包括單獨或合併使用外科手術或藥物治療，以減低前列腺嘅大小或減輕病情嘅嚴重性。

咁如果真係患上咗前列腺肥大症，又有啲咩方法去補救呢？首先要避免一次過或睡前飲用大量流質飲品，亦要限制飲用酒精或咖啡因等飲品的份量，而且要正確服用處方藥物，部份咳嗽、感冒或通鼻塞成藥可能會令病徵惡化！如果泌尿器官受感染應及早治療，以及保持健康的體重。

男士們做定期男士身體檢查固然重要，但如果你有性生活，定期進行愛滋病及梅毒快速測試同樣重要！定時知道自己愛滋病或梅毒感染狀況先可以確保自己同你伴侶嘅身體健康。快啲預約做測試啦！

【再思社區健康組織】(NGO)
性健康諮詢;
免費、不記名、保密、
愛滋病毒/梅毒快速測試
電話: 3188 9024
手機: 6424 8126
地址: 再思新地址旺角弼街9-15號恆利中心302室

superadmin

瀏覽更多【再思社區健康組織】最新性知識及各類健康資訊報告
https://winning11.com/forum/dz/forum.php?mod=forumdisplay&fid=9&filter=typeid&typeid=658