再思而家有埋乙型肝炎測試做喇 (乜嘢係乙型肝炎？)

choicehealth

我哋平時都成日出post講我哋有免費愛滋病同梅毒測試架啦！我哋而家有埋乙型肝炎快速測試，所以一共係有三個快速測試做呀！但係點解要做埋乙型肝炎測試？因為乙型肝炎都係透過性接觸傳播架！今日就同大家講下乙型肝炎以及其他病毒性肝炎嘅簡介！

顧名思義，病毒性肝炎即係一啲病毒性感染而引發肝臟發炎嘅疾病。病毒性肝炎常見有甲乙丙丁戊五種，當中乙型及丙型都係會透過性接觸去傳播。乙型肝炎可以由性接觸、與帶病毒者共用針筒、輸入帶病毒的血液或血液製成品而傳染，帶病毒母親於分娩期間或於襁褓期間亦可把病毒傳給嬰兒，其他傳染途徑包括在紋身、穿耳或針炙中使用受污染嘅儀器。上述嘅傳染途徑都是經由血液或體液接觸而受病毒感染。喺香港，大約8-10%的人口是乙型肝炎帶病毒者，佢哋會有較高機會患上慢性肝炎、肝硬化及肝癌。

乙型肝炎潛伏期為六星期至六個月。受感染者的病徵包括：食慾不振、發冷發熱、噁心、嘔吐、極度疲勞、關節疼痛、黃疸、尿液呈茶色、肝臟發大等。但亦有部分患者病徵輕微，甚至毫無病徵。只有極罕見嘅情況下，患者會因病情惡化而死亡。 大部分急性患者可以完全康復，並在體內產生抗體，得到免疫能力。但卻約有 6% 患者會終身成為帶菌者。

重點係，現時係冇有效嘅藥物能治療急性肝炎，但對某些慢性乙型肝炎患者，可能需要一些特別嘅藥物治療。所以為咗預防性接觸感染，最好嘅方法當然係性交嘅時候全程正確使用安全套啦！無論口交，陰道交或肛交都要使用安全套，以減低患病風險。而且，一旦染上性病，患上其他性病，甚至愛滋病嘅風險都會提高！所以為咗自己身體著想，出去玩之前記得要有一「套」傍身呀！一旦懷疑自己有染上性病嘅風險，就記得睇醫生喇！定期身體檢查都好重要架！我哋再思提供免費嘅愛滋病同梅毒測試，20分鐘就知道結果！定時知道自己愛滋病或梅毒感染狀況先可以確保自己同你伴侶嘅身體健康。快啲預約做測試啦！

【再思社區健康組織】(NGO)
性健康諮詢;
免費、不記名、保密、
愛滋病毒/梅毒快速測試
電話: 3188 9024
手機: 6424 8126
地址: 再思新地址旺角弼街9-15號恆利中心302室

superadmin

瀏覽更多【再思社區健康組織】最新性知識及各類健康資訊報告
https://winning11.com/forum/dz/forum.php?mod=forumdisplay&fid=9&filter=typeid&typeid=658