撥霧尋徑：男人應該要點樣修剪自己下面個「森林」

choicehealth

唔知大家平時幾時剪一次頭髮？一個月？兩個月？定係自然派留長頭髮呢？咁大家平時幾時沖一次涼先？一日一次？一日兩次？你唔係同我講你唔沖涼下話？？我就相信每位師兄平時都會注重儀容同衛生，都會修剪頭髮同沖涼，但你下面個『手足』嘅毛髮，又會唔會修剪下呢？

相信大家睇片個陣都鍾意見到人乾乾淨淨滑捋捋，但其實我哋男士們都好應該修剪下自己下面「兄弟」嘅毛髮嘅！首先一，呢排天氣回暖，一開始潮濕悶熱個陣，下面就會容易有不適感，而且除咗你下面個「兄弟」本身就占空間外，陰毛過長更加會令陰部空間進一步擁塞，令到此空間內不容易透氣。你諗下，陰部空間的濕氣，久久才能經過交換，如此濕氣就可容易累積，時間一長就容易滋生細菌，此時就會造成濕疹，咁你就會成日想「R荔枝」！大佬，大庭廣眾「R荔枝」好核突架嘛！但你下面又痕喎，好想R但又唔R得，你話幾尷尬呢！

除咗衛生之外，儀容都好重要架嘛！你諗下你下面雜草逢生嘅時候，你女伴「幫」你嘅時候，都唔會想係要一路除草一路做架嘛！仲有，原本你「兄弟」係『巨龍』嚟，喺咁多雜草嘅情況下，真係『巨龍』都變『蟲仔』！咁樣自毀雄風點得架！所以都係奉勸大家最好都係修修佢啦！

不過講還講，究竟係點修剪呢？有幾個重點要注意，大家睇住喇！

1. 用特別工具
因為陰毛嘅髮質比較硬，所以都建議用返鉸剪去修剪會方便啲，或者用啲男士專用毛髮修剪器都得！你平時剃鬚用嘅鬚刨就留返俾你剃鬚算啦，你都唔想剃完下面再剃上面架嘛！

2. 沖涼後剃毛
沖熱水或暖水涼可以軟化陰毛，咁你落刀都容易啲啦！

3. 唔使剃光架
如果有ching話唔鍾意光禿禿，覺得好奇怪嘅話，其實你修剪到整齊，乾淨嘅長度就ok架！仲有修剪完之後你下面個『兄弟』睇落都大隻咗，真係一舉兩得！

修剪陰毛仲可以預防陰蝨呢種性病添！不過預防性病嘅最好方法，當然係用安全套啦！性交嘅時候係要全程正確使用安全套架！無論口交，陰道交或肛交都要使用安全套，以減低患病風險。而且，一旦染上性病，患上其他性病，甚至愛滋病嘅風險都會提高！所以為咗自己身體著想，出去玩之前記得要有一「套」傍身呀！一旦懷疑自己有染上性病嘅風險，就記得睇醫生喇！定期身體檢查都好重要架！我哋再思提供免費嘅愛滋病同梅毒測試，20分鐘就知道結果！定時知道自己愛滋病或梅毒感染狀況先可以確保自己同你伴侶嘅身體健康。快啲預約做測試啦！

【再思社區健康組織】(NGO)
性健康諮詢;
免費、不記名、保密、
愛滋病毒/梅毒快速測試
電話: 3188 9024
手機: 6424 8126
地址: 再思新地址旺角弼街9-15號恆利中心302室

電光火石

剃光左推車的話, 女方會覺得D毛"吉", 唔舒服

gooddogmk

以前..忘記左邊個講..囡囡話:你地男人唔修剪陰毛既咩..我話..下一向都唔修架喎，之後試過一次修剪，用剪刀啦當然，女上時俾人講話好吉...狗仔時又話好吉..陰毛都幾粗毛摸都覺好吉下，所以呢.都係無再修剪了，唔知多唔多男仕修陰毛呢.

assking123321

以前好奇剪光過一次，感覺怪怪的，剛長出毛時會好吉

shana

女人要做，男人都要？

choicehealth

shana 發表於 2021-3-17 09:53
女人要做，男人都要？

大家都有陰毛架嘛，修剪下都係注意個人衛生姐！

abc00001

脫毛啦，剃毛好吉o架，脫完毛又滑又舒服。

shana

清潔同衛生雙方有責

Dragon8686

Maybe will try

samwong000

叫你修一修短 你地剃光光 梗係吉啦

rainie00

唔好剪太短,就唔會吉啦.

Tuner

我都問過多位囡囡，一句講晒，D女一般唔鍾意

Kk1130

abc00001 發表於 2021-3-20 02:01
脫毛啦，剃毛好吉o架，脫完毛又滑又舒服。

點脫法?  出去畀錢激光?