有害嘅男子氣慨：你中咗幾多種？

choicehealth

可能你以前細個，有聽過阿爸阿媽，或者長輩同你講：『男仔之家你咁樣點得架！』『流血不流淚』『男兒膝下有黃金』呢類說話；又或者啲朋友同你講：『嘩你著粉紅色，正乸型』之類嘅講法。無論係要做領導者，強勢，呢啲都可能係一啲所謂『男子氣概』嘅標準。但係，有冇諗過呢啲特質有可能損害緊你嘅形象，甚至精神健康？今日我哋就講下乜嘢係有害嘅男子氣概 (Toxic Masculinity)，睇下你自己中咗幾多樣！

有害嘅男子氣概係指當今社會中對於男性社交、心理不利嘅一些傳統觀念。「有害嘅男子氣概」有霸主意識、貶低女性、過分自主、抑制感情幾大特徵。經常出現嘅例子例如行為一定要大起大落，做任何事都應該係做領導者，必須控制自己情感，壓抑傷心情緒，遇到挫敗嘅時候都唔可以認輸，一定要堅強等等。

呢啲觀念主要嚟講會帶嚟兩大後果，仇女，恐同，暴力等行為會對他人不利，影響社會平衡。而過度自主、抑制感情會容易造成男性本身出現抑鬱、壓力、物質濫用等心理問題。

睇到呢度，你有冇諗返細個嗰陣俾人灌輸過類似概念呢？定係抑或你會覺得完全無問題，無影響到你嘅心理健康？因為講到尾，最緊要係自己覺得舒服姐；但係如果你覺得呢類嘅男子氣概觀念令你覺得內心唔舒服，一直覺得被壓抑？如果係嘅話，歡迎你嚟搵我哋傾訴。最後都係一句，如果你定義自己係男人，你做嘅所有嘢都係男人做嘅嘢，無人係可以批評你自己賦予比自己嘅性別定型。

【再思社區健康組織】(NGO)
性健康諮詢;
免費、不記名、保密、
愛滋病毒/梅毒快速測試
電話: 3188 9024
手機: 6424 8126
地址: 再思新地址旺角弼街9-15號恆利中心302室

superadmin

瀏覽更多【再思社區健康組織】最新性知識及各類健康資訊報告
https://winning11.com/forum/dz/forum.php?mod=forumdisplay&fid=9&filter=typeid&typeid=658