常見性病系列：梅毒

choicehealth

好喇，之前講咗咁多不同性病，今日就同大家講下我哋中心免費測試嘅其中一個測試項目－梅毒喇！

梅毒雖然就叫毒，但其實佢係一種叫梅毒螺旋體嘅細菌引起。梅毒潛伏期大約係9至90日，大部份病人喺接觸病菌後二至四個星期發病。

患者有第一期梅毒嘅時候，性器官會出現不痛的潰瘍，男性很易察覺，女性則可能隱藏在陰道內，由醫生檢查才發現。無論醫治與否，潰瘍都會自然癒合，但病菌仍然隱藏在體內。在數星期後會進入第二期梅毒，此時病菌會擴散全身，令病人產生如發燒、疲倦、不痛不癢的紅斑、淋巴結腫脹等病徵。即使完全不理會，這些病徵也會逐漸消失，病情進入隱性期。梅毒隱性期病人全無病徵，只有驗血才知道自己染有梅毒。若果一直唔醫治，晚期梅毒會於數年到數十年後出現，病菌影響心臟血管及腦部，造成失明、各種的殘瘴、精神病，甚至死亡。所以梅毒嘅病情係可以好嚴重架！

雖然上面已列出梅毒嘅各種病徵，但梅毒亦都有「偉大的模仿者」之稱，因為佢嘅病徵同好多病相似，所以係好容易混淆為其他病症！而且，有唔少患者染上梅毒之後係無病徵架！

梅毒最好嘅預防方法當然係性交嘅時候全程正確使用安全套啦！無論口交，陰道交或肛交都要使用安全套，以減低患病風險。而且，一旦染上性病，患上其他性病，甚至愛滋病嘅風險都會提高！所以為咗自己身體著想，出去玩之前記得要有一「套」傍身呀！仲有，定期身體檢查都好重要架！我哋再思提供免費嘅愛滋病同梅毒測試，20分鐘就知道結果！定時知道自己愛滋病或梅毒感染狀況先可以確保自己同你伴侶嘅身體健康。快啲預約做測試啦！

【再思社區健康組織】(NGO)
性健康諮詢;
免費、不記名、保密、
愛滋病毒/梅毒快速測試
電話: 3188 9024
手機: 6424 8126
地址: 再思新地址旺角弼街9-15號恆利中心302室

superadmin

瀏覽更多【再思社區健康組織】最新性知識及各類健康資訊報告
https://winning11.com/forum/dz/forum.php?mod=forumdisplay&fid=9&filter=typeid&typeid=658