常見性病系列：陰部疱疹

choicehealth

如果我同各位師兄講，全世界有差不多7成人有疱疹病毒，你會有啲咩反應？可能你會好驚自己係咪其中一份子，或者擔心自己係咪已經受到感染。但其實疱疹都有分一型同二型，上面講7成人有嘅係疱疹一型，今日同大家講嘅就係陰部疱疹，即係疱疹二型喇！

疱疹一型同疱疹二型都係由單純疱疹病毒引起，疱疹一型發病位置通常口腔附近, 患者發病時會先有皮膚刺痛，之後就會生一粒粒水泡，水泡破裂之後有可能會引起潰瘍。疱疹二型患者與疱疹一型類似，分別在於疱疹二型患者嘅發病位置會係性器官附近，所以發病嘅時候下體係會又痕又痛！疱疹係經過接觸患者嘅體液或患處傳染，尤其是當患者有病徵嘅時候，疱疹嘅傳染性會大大提高！

另外，現時仍然係未有根治疱疹嘅治療，現有治療方法只能夠加快水泡癒合以及抑制病毒活動，未可以完全斷尾架！所以要預防疱疹，就記得使用安全套喇！口交，陰道交及肛交全程使用安全套係可以預防多種性病包括愛滋病以及梅毒架！

仲有，疱疹喺冇病徵嘅情況下仍然可以傳染，所以大家記住要玩得安全呀！大家記住玩之餘都要定期上嚟做快速測試呀！

【再思社區健康組織】(NGO)
性健康諮詢;
免費、不記名、保密、
愛滋病毒/梅毒快速測試
電話: 3188 9024
手機: 6424 8126
地址: 再思新地址旺角弼街9-15號恆利中心302室

superadmin

瀏覽更多【再思社區健康組織】最新性知識及各類健康資訊報告
https://winning11.com/forum/dz/forum.php?mod=forumdisplay&fid=9&filter=typeid&typeid=658