[歷史系列] 點解梅毒叫花柳？

choicehealth

上一回同大家講到「風月」嘅來源，今日就同大家討論下點解梅毒叫「花柳」啦！

梅毒嘅來源係點嚟嘅呢？科學家暫時已知嘅係人類係梅毒嘅自然宿主，即係本身梅毒就係要依靠人類做載體去生存。雖然個名話就話係梅毒，但其實佢唔係病毒嚟架！梅毒係由一種叫梅毒螺旋菌嘅細菌引起。梅毒大約去到16世紀由葡萄牙人傳入廣東一帶，後來明朝時醫學界陳司成著作《霉瘡秘錄》有詳細記錄梅毒的病徵，係中國最早期嘅記載。後來李時珍於《本草綱目》都有涉及梅毒嘅傳播情況。

好喇講咗咁耐，咁點解梅毒又俾人稱之為「花柳」呢？古時人們認為梅毒係一種毒瘡，同埋係「尋花問柳」，即係出去嫖娼先會有嘅病。咁而家現今社會大家都知咩叫梅毒架啦，而梅毒係透過性接觸就有機會傳播，唔係淨係嫖娼先會有嘅！

仲有，如果唔及早發現及治療，梅毒係可以致命架！所以大家每次進行口交，陰道交或者肛交嘅時候，都記得要正確使用安全套呀！正確使用安全套除咗預防梅毒之外，都可以預防到愛滋病感染架！用套固然重要，但定期檢查驗身，了解自己身體狀況同樣重要！愛滋病同梅毒快速測試都係20分鐘內就知道結果架喇！為自己健康，盡早做測試！

【再思社區健康組織】(NGO)
性健康諮詢;
免費、不記名、保密、
愛滋病毒/梅毒快速測試
電話: 3188 9024
手機: 6424 8126
地址: 再思新地址旺角弼街9-15號恆利中心302室

黑夜小鋼炮

有趣歷史知識，多謝！

assking123321

長知識！

S0410633

多謝賜教！