世界愛滋病日-HIV原來唔止得一種

zxcvbnm741

我哋成日就叫大家出嚟玩果陣，最緊要帶套，因為可以有效預防愛滋病同其他性病呀嘛！嚟緊12月1日就係世界愛滋病日，就同大家講定啲愛滋病知識先！咁你知道性接觸係會傳播HIV，而唔醫治HIV係會引起愛滋病，但你又知唔知其實HIV都有兩種呢？

HIV主要分為HIV-1同HIV-2. 兩種HIV嘅來源都係來自非洲中西部，而且病毒來源都係源自靈長類動物，HIV-1來源可能來自黑猩猩，HIV-2則可能來自烏白彌猴。但係目前為止科學家都暫時只能推斷HIV係由呢兩種物種經過跨物種傳染給人類，但未能有確實證據證明。

HIV-1係目前世界上最普遍嘅HIV亞種，傳染性以及致命性都比HIV-2高，而且全球盛行。而HIV-2則主要集中於西非地區，於其他國家裏極為罕見。
不過，現時最有用嘅愛滋病預防方法始終都係正確使用安全套！無論口交，陰道交或者肛交都要使用安全套呀！用安全套都可以預防其他性病架，所以大家記得長玩長有呀！