各位師兄係大陸要小心財物！

Edmund169

我係4月時已經一時唔小心，習慣地放個銀包係牛仔褲後袋，在小巴上被割袋扒過了銀包啦…。
今早我坐大巴去羅湖火車站，到過關時至發現放在公事包中間隔內的銀包不翼而飛了，肯定在我由車站等車、上車、站在人多擠迫時當中被扒的。沿途我一手握扶手，一手按住袋，還時不時昅下個袋，落車後袋拉鍊仍然是關好的，點知咁小心都中招，跟手有個阿伯打電話俾我(我銀包有放我張咭片)，話係做執垃圾的，執到有堆咭，借朋友的電話打俾我叫我去拿。到見到面俾返所有身份證、銀行咭…我，九百幾蚊錢同銀包就冇哂啦，冇講話要錢屬返，但我都自動俾返一百佢，唉！算啦…拿得返d證件都好d，以後證件、大量現金的，返到大陸都係收得有咁密得咁密，跟剩係日常用的錢分開袋啦，大陸d扒手真係犀利…