皇崗去下沙的''殘''車

豪

呢條線開辦咁耐,我就搭足咁耐.早又係佢,晚又係佢,不過真係好多問題,先講隻車..簡直''殘''到好似就散就散咁..係高速公路開到最快時,個''車頭引擎''都震埋,轟隆轟隆咁聲,再講d椅子.''黑媽媽''咁,(我個人認為好明顯係污穢),有d椅子仲衰,甩皮甩骨,一坐落d椅子到,個椅子就向後傾,好似就快斷一樣..冷氣就好多時都係唔開,(唔知係壞左定係個司機唔開),總之夏天開窗多過開冷氣,有次仲離晒大譜,有一朝早上我從下沙出皇崗,有個男司機開了隻車回來下沙,換了個女司機出皇崗,我聽住個男司機用國語同個女司機講,個''剎車''有d問題,要''很大力,連踩兩下''先剎到車,不過走完這轉先好拿去整,簡直全車人條命操控在她手上!到講班次,前個幾個月的逢星期六下午,成日都突然話無車(我自己就起碼試過幾次),到而家平時都係,有時早上(雖然唔係經常,但一個月梗有一兩次)出皇崗,突然叫無車,好在隔離有''夾份坐的士'',如果唔係就手足無措了,落車又係咁,有時到皇崗又話海關查車,唔入得裹面,有時係後面停車場落,有時又係宏昌休閒島門口條馬路落,(雖然唔係話行好遠,但本人試過落大雨時行,真係好狼狽,真係沒未入到關口已經全身濕晒),相反..下沙隔離條羅湖線就好些小,d車比較好(無論乾淨,車身),其實皇崗條線車費都唔係咁抵,人地由羅湖入到下沙都係六蚊,反而皇崗咁近入下沙都要五蚊,所以話走皇崗呢條線d錢幾好搵,但車呢就俾隻又污穢,又殘的二手車你坐,但呢隻車真的很快到達下沙,又方便,真係好難取捨...