電話訊號

豪

我用緊兩張咭,一個台係CSL  1010,一個係3-3G...
CSL係香港地區接收都叫做比較好,但次次一返深圳過完落馬洲條橋,到皇崗人都未落車,就''好聽話''咁已經一D反應都無,返來香港時仲衰,起碼要上到落馬洲條橋既一伴先叫做接收到信號～～CSL過到深圳就更加唔駛諗,2G同3G都完全無反應..
反而和記即係3-3G過到深圳就真係收我好勁(註:只講緊3G,和記2G完全都係無任何反應),我住係上沙,向住福榮路海皮0個邊,我屋企長期收到3-3G,(無論客廳,廚房,睡房都得),,我從家中可以望到香港,應該係天水圍,不論玩視像同上網看新聞都無問題,(有時候(極少)都會窒窒地,始終都係香港咭,要求唔可以太高),所以我都出多一張3-3G俾我老婆,打過來香港又方便,又唔使長途電話費,仲可以玩埋視像添(最好係呢樣).係沙咀OLD江南百貨門口同上沙廣場(大球場)都收得好勁,用過3-3G的人都應該知道過了深圳係收得好勁,未試的朋友可以一試..
以前就係PEOPLES,同新世界傳動網係深圳收得最勁(因為咁既原因,以前我都用左PEOPLES兩年)...但而家已經唔得,所有2G台都唔得,反而3G就得(唔知係唔係大陸仲未有3G,所以干擾唔到),SMARTONE係深圳一時時得,就算收到,通話時都好窒...CSL同PCCW都係0個句""完全無晒反應....唔知各位朋友仔有咩心得呢?